Театральная студия «Ас йöз» - с. Зеленец, Сыктывдинский р-н.

 Коллектив чукӧртчис 2011 воын. Студияын 24 морт – студенъяс, учительяс, воспитательяс, врачьяс, пӧваръяс, бухгалтеръяс, птицефабрикаын уджалысьяс. Пуктӧма 7 спектакль-ставыс коми кыв вылын, на пиын: «Свадьба приданöйöн» Н.Дьяконовлӧн, «Дачникъяс» Н.Щукинлӧн, «Коркӧ ӧд аддзысям» А.Поповлӧн, «Кык вылӧ ӧти шуд» А.Вурдовлӧн да мукӧд. Спектакльяс петкӧдлам Зеленечса Культура керкаын, ветлам Палевицыӧ да Часовоӧ, петкӧдчывлім Выльгортса Культура керкаын, Абъячойын, Сыктывкарса шылада-драмаа театрын, Эжваса Культура дворечын да Сыктывкарса коми культура шӧринын.

Комедия "Радейтчӧм да колльӧдчӧм" Ухтаса авторлӧн Эвелина Пиженколӧн "Любовь и проводы" пьеса серти. Пьесасӧ гижӧма «Любовь и голуби» кинолӧн продолжение моз. Ӧти сюжетнӧй визь- Сандрӧ баб пыр кыйӧдӧ ассьыс Митрей дедсӧ, коді радейтӧ юыштны, быдногыс кужӧмӧн ылӧдчӧ, зэв ӧдйӧ сылӧн юрын чужӧны выль мӧвпъяс да вермӧ бӧбйӧдлыны став сиктса олысьяссӧ. Кор Митрейӧс корӧны диспансеризация вылӧ, сійӧ ставныслы шуӧ, мый заводитчӧма мобилизация да быть колӧ мунны армияӧ...Мӧд сюжетнӧй визь – сиктса магазинысь Зина вузасьысь да Виктор-сигнализация кузя мастер. Найӧ то радейтчӧны, то торйӧдчӧны… Спектакльса геройяс бӧрдӧны и сералӧны, тышкасьӧны и йӧктӧны …

Продолжительность спектакля 50 минут