Спектакль на крымскотатарском языке "Хырсыз Амет ве джеп хырсызы Мемет" адлы музыкаль комедия къырымтатар халкъ масалы эсасында Р. Бекташевнинъ пьесасы саналаштырылды. Бу нумайыш театримиз репертуарында янъы спектакллер сырасы тизиледжек. Оларнынъ баш мевзусы ве эсас гъаеси халкъымызнынъ тарихий яшайышыны, урьф-адетлерини, маневий ве ахлякъий дегерликлерни акс эттирмектир. Бу спектакльде сейирджилер итибарына эки персонажнынъ маджералары косьтериле. Амет ве Мемет бир гузель къызгъа мефтюн олалар. Амма бу гузель къызгъа оларнынъ зенааты хош кельмей. Йигитлернинъ зенааты хырсызлыктыр. Буюк ашкъ, мераметлик ве фукъарелерге ярдым этмеге азыр олув, эр шейнинъ чаресини тапкъан къараманлар озь дуньябакъышыны ве унерлерини денъиштирелер. Эльмазнынъ севгиси оларны догъру ёлгъа тюшмеге себеп ола. Денъишмелер девринде Амет ве Мемет пек чокъ кулюнчли вазиетлерге ве алларгъа огърайлар. Спектакль девамында халкъ нагъмелери, янъы йырлар, оюнлар авале этиле. Бойлеликнен, артистлеримиз, режиссёр, оюнджылар халкъымызгъа аит олгъан миллий муит яраталар ве сейрджилерни бу муитке далдыралар.