Өксөкүлээх Өлөксөй аатынан норуоттар доҕордоһууларын дьиэтэ, Хаҥалас улууһун Төхтүрдээҕи Александр Ильич Борисов аатынан «Эркээни» култуураны сайыннарыы киин тэрийиитинэн ыам ыйын 19 күнүгэр, киэһэ 18 ч Аан дойдутааҕы ньургуһун күнүгэр аналлаах «Эркээнилэр ньургуһуну уруйдууллар»- диэн Хаҥалас улууһун уус-уран самодеятельноһын айар талааннаахтарын сахалыы кэнсиэригэр ыҥырабыт. Кыттыыны ылаллар: Х.Максимов аатынан дэгэрэҥ ырыа күрэҕин Гран – При хаһаайына Николай Макаров, ураты иэйиилээх ырыаһыттар Владимир Прокопьев, Радион Захаров, нарын куоластаах Довна Афанасьева, Федора Платонова, Татьяна Лыткина, Миролюба Саморцева, «Кэскил» норуодунай хомусчуттар ансаамбыллара, СӨ импровизатор хомусчута, бүтүн Арассыыйатааҕы «Таланты России» Гран – При кыайыылааҕа Алина Колосова, тэтимнээх, эрчимнээх ырыаһыт Тэтим Васильев, «Далбар Хотун - 82» үҥкүү бөлөҕө. «Эркээни бэлэҕэ-ньургуһун» уус-уран оҥоһуктар быыстапкалара, киирии билиэтинэн норуот маастардарын оҥоһуктара оонньонор. Сахабыт сирин кэрэ сибэккитэ ньургуһун олоххо дьулуур, тулуур туоһутунан, кэрэ санаа кэрэһитинэн буолар. Маҥнайгы ньургуһун тыллыыта, күөххэ үктэнии, кыһыны этэҥҥэ туораан сандал саас кэлбитин туоһутунан буоларын сырдатыы, төрөөбүт дойдуга тапталы иҥэрии буолар.Ньургуһун сибэкки саха норуотун култууратыгар кэрэ көстүү, эдэр саас, тулхадыйбат олоххо тардыһыы күүһүн – чаҕылхай символа буолар. Саха ньургуһунугар элбэх хоһоон, ырыа анаммыта. Бу киэһэ кэлэн көрүн, истиҥ, сэргээҥ! Киирии билиэт сыаната: 500 солк. Буолар сирэ: мраморнай саала. Онлайн-атыы: Quicktickets.ru уонна Пушкинскай карта. Касса: 32-82-96 .