Ыллыыр кумахтаах Бүлүү улууһун сайдам-сайаҕас дьоно-сэргэтэ, кэнчээри ыччата! Олоҥхо тыйаатыра эһигини алтынньы 29-31 күннэригэр уонна сэтинньи 1-5 күннэригэр Олоҥхо киэһэлэригэр ыҥырар: - Саха народнай суруйааччыта, поэт, олоҥхоһут В.М. Новиков-Күннүк Уурастыырап олоҥхотунан «Тойон Дьаҕарыма» куукуланан испэктээгэр эдэр артыыстар олоҥхо алыптаах эйгэтин, айыы бухатыыра Тойон Дьаҕарыма хорсун-хоодуот сырыытын көрдөрүөхтэрэ. Туруорааччы режиссер – Мария Маркова, СӨ ускуустубатын үтүөлээх диэйэтэлэ, культурология хандьыдаата. - Быйылгы дьылга Арассыыйа театральнай туруорууларын кыһыл көмүс фондатыгар киирбит Н. Абрамов “Удаҕаттар Уолумар Айгыр икки” олоҥхотунан “Удаҕан кыргыттар” испэктээккэ эдьиийдии-балыстыы удаҕан кыргыттар үгүс моһоллору туораан, бэйэлэрин аналларын булан, сирдээҕи дьолго тиксиилэрэ хомоҕойдук хоһуйуллар. Туруорааччы режиссер – С. Борисова, Б. Ойуунускай аатынан СӨ Судаарыстыбаннай бириэмийэтин лауреата, Арассыыйа уонна Саха Өрөспүүбүлүкэтин народнай артыыската. Улуу добдурҕа саҕана ыллыыр кумахтаах Бүлүү улууһун дьоно-сэргэтэ, ыччата, олоҥхо муҥурун булларбатах барҕа баай тылын истэн дуоһуйуҥ, олоҥхо дойдутун этигэн көстүүтүн көрөн кэрэхсээҥ! Билиэт сыаната: улахан дьоҥҥо – 800 солк. оҕолорго – 400 солк. Элбэх оҕолоох дьиэ кэргэҥҥэ – 50% чэпчэтии, оттон АБДь кыттыылаахтарыгар, кинилэр дьиэ кэргэттэригэр уонна I группалаах инбэлииттэргэ – босхо

Дьокуускай куорат олохтоохторо уонна ыалдьыттара! Саха литературата төрүттэммитэ 125 сылыгар, Олоҥхо тыйаатыра эһигини сэтинньи 7 күнүгэр айар тыл аҕата А.Е. Кулаковскай-Өксөкүлээх Өлөксөй «Саха дьахталларын мэтириэттэрэ» поэматынан испэктээккэ ыҥырар. Туруорааччы режиссер – Р. Дорофеев, СӨ култууратын туйгуна Буолар сирэ: Б. Ойуунускай аатынан Саха академическай тыйаатыра, Алампа саалата Болдьоҕо: 18:30 Билиэт сыаната: – 800 солк. Элбэх оҕолоох дьиэ кэргэҥҥэ – 50% чэпчэтии, оттон АБДь кыттыылаахтарыгар, кинилэр дьиэ кэргэттэригэр уонна I группалаах инбэлииттэргэ – босхо.

Театр Олонхо приглашает на спектакль!!! «Орфей и Эвридика» - спектакль олонхо-перфоманс, основанный на греческой мифологии. Это дебютная работа талантливого молодого режиссера Лены Оленовой. Спектакль включает в себя уникальные национальные элементы, такие как традиционное пение тойук и живое музыкальное сопровождение на якутских инструментах, что придаст особую атмосферу и глубину происходящему на сцене. Также значительную роль в постановке играет хореография, разработанная балетмейстером Екатериной Тайшиной. Пластические движения и выразительные танцы будут сопровождать развитие сюжета, погружая зрителей в мир любви, утраты и надежды.

Дьокуускай куорат олохтоохторо уонна ыалдьыттара! Саха литературата төрүттэммитэ 125 сылыгар, Саха тыйаатыра тэриллибитэ 120 сылыгар анаан, Олоҥхо тыйаатыра эһигини сэтинньи 16 күнүгэр саха классик суруйааччылара А.Е. Кулаковскай-Өксөкүлээх Өлөксөй, А.И. Софронов уонна П.А. Ойуунускай айымньыларынан «Үс Күн» испэктээккэ ыҥырар. Туруорааччы режиссер – Р. Дорофеев, СӨ култууратын туйгуна Инсценировка ааптара – М. Власьева, СӨ култууратын үтүөлээх үлэһитэ Буолар сирэ: Б. Ойуунускай аатынан Саха академическай тыйаатыра, Алампа саалата Болдьоҕо: 17:00 Билиэт сыаната: - 800 солк. Элбэх оҕолоох дьиэ кэргэҥҥэ – 50% чэпчэтии, оттон АБДь кыттыылаахтарыгар, кинилэр дьиэ кэргэттэригэр уонна I группалаах инбэлииттэргэ – босхо.