Спектакль "Удаганки" 12+
23 октября 18:30

Үөһээ Бүлүү ыалдьытымсах дьоно-сэргэтэ, сайдам-сайаҕас ыаллара, кэнчээри ыччата! Олоҥхо тыйаатыра эһигини алтынньы 21-27 күннэригэр Олоҥхо киэһэлэригэр ыҥырар: - Саха народнай суруйааччыта, поэт, олоҥхоһут В.М. Новиков-Күннүк Уурастыырап олоҥхотунан «Тойон Дьаҕарыма» куукуланан испэктээгэр эдэр артыыстар олоҥхо алыптаах эйгэтин, айыы бухатыыра Тойон Дьаҕарыма хорсун-хоодуот сырыытын умсугутуулаахтык көрдөрүөхтэрэ. Туруорааччы режиссер – Мария Маркова, СӨ ускуустубатын үтүөлээх диэйэтэлэ, культурология хандьыдаата. - Быйылгы дьылга Арассыыйа театральнай туруорууларын кыһыл көмүс фондатыгар киирбит Н. Абрамов “Удаҕаттар Уолумар Айгыр икки” олоҥхотунан “Удаҕан кыргыттар” испэктээккэ эдьиийдии-балыстыы удаҕан кыргыттар үгүс моһоллору туораан, бэйэлэрин аналларын булан, сирдээҕи дьолго тиксиилэрэ хомоҕойдук хоһуйуллар. Туруорааччы режиссер – С. Борисова, Б. Ойуунускай аатынан СӨ Судаарыстыбаннай бириэмийэтин лауреата, Арассыыйа уонна Саха Өрөспүүбүлүкэтин народнай артыыската. Улуу добдурҕа саҕана Хотун Бүлүү дьоно-сэргэтэ, ыччата, олоҥхо муҥурун булларбатах барҕа баай тылын истэн дуоһуйуҥ, олоҥхо дойдутун этигэн көстүүтүн көрөн кэрэхсээҥ! Билиэт сыаната: улахан дьоҥҥо – 800 солк., оҕолорго – 400 солк. Элбэх оҕолоох дьиэ кэргэҥҥэ – 50% чэпчэтии, оттон АБДь кыттыылаахтарыгар, кинилэр дьиэ кэргэттэригэр уонна I группалаах инбэлииттэргэ – босхо