Улуу Туймаада хочотун олохтоохторо уонна ыалдьыттара!   Култуура сылын чэрчитинэн ыам ыйын 15 күнүгэр киэһэ 6 чааска Олоҥхо тыйаатырын иһинэн үлэлиир “Олоҥхо дойдута” устуудьуйа олоҥхоһут, ньымҥакалаан Валентин Исаков “Күүрээннээх тыллаах, күүстээх-уохтаах Көмүс Күөгүлээн бухатыыр” олоҥхотунан оҕолорго аналлаах, үҥкүүлээх-битиилээх испэктээгэр ыҥырар. Бу испэктээккэ кырачаан артыыстар – Дьокуускай куорат Саха гимназиятын 3-үс кылааһын үөрэнээччилэрэ – олоҥхо алыптаах эйгэтин, айыы бухатыыра Көмүс Күөгүлээн бухатыыр хорсун-хоодуот сырыытын  умсугутуулаахтык көрдөрүөхтэрэ. Кэлиҥ, сылдьыҥ, сэргээҥ!   Туруорааччы режиссер, сценарист уонна хореограф – Екатерина Толбонова, “Олоҥхо дойдута” устуудьуйа  салайааччыта Таҥас-сап худуоһунньуга – Зинаида Максимова Фольклорга уһуйааччы – Дария Муксунова   Буолар сирэ: А.Е. Кулаковскай аатынан Норуоттар доҕордоһууларын дьиэтэ Билиэт сыаната: 300 солк.   Элбэх оҕолоох ыалга – 50 % чэпчэтии, оттон АБДь кыттыылаахтарыгар, кинилэр дьиэ кэргэттэригэр уонна I группалаах инбэлииттэргэ – босхо.